Европада фермерлар намойиш қилмоқда, Покровск аҳолиси эвакуация қилинмоқда. Уруш суратлари

Украинадаги урушнинг 734-куни ўтди. Асосий маълумотлар:

• Европа парламенти Украинага 50 миллиард евро миқдоридаги ёрдам ажратиш учун овоз берди.
• РФ мудофаа вазирлиги Донецк областининг Авдийивка шаҳри ҳудудида америкаликларнинг Abrams русумли танкларидан биринчиси яксон қилингани ҳақида хабар берди. Украина бу маълумотни изоҳламаган.
• Эммануэл Макрон Европа мамлакатлари Украинага қўшин юбориши мумкинлигини истисно этмади. Бошқа давлатлар раҳбарлари, жумладан АҚШ президенти ҳам бунга жавобан бундай режа йўқлигини маълум қилишди.
• Дмитрий Песков агар алянс ҳарбийлари Украинада пайдо бўлгудек бўлса, Россия ва НАТО ўртасида тўғридан тўғри қуролли тўқнашув келиб чиқиши муқаррар эканини айтди.
• «Мемориал» раҳбари Олег Орлов урушга қарши мақоласи учун икки ярим йил муддатга озодликдан маҳрум этилди, у ўз мақоласида Путин режимини фашистлар билан тенглаштирганди.
• Украина қуролли кучлари бир кун ичида Россиянинг Су-34 русумли иккита самолёти уриб туширилган ҳақида маълум қилди.
• Володимир Зеленский Саудия Арабистони шаҳзодаси Муҳаммад ибн Салмон билан учрашди. Улар Украинанинг «тинчлик формуласи»ни амалга оширишни муҳокама қилишган.

Донецк области фронт чизиғидаги вазият

Часив Яр фронт чизиғидан беш километр масофада жойлашган. У Россия армияси томонидан мунтазам равишда ўққа тутилмоқда — шаҳарга артиллерия ва дронлар орқали зарбалар йўлланади. Часив Яр нисбатан баландликда жойлашган, украин қўшини таъминот чизиғи шу ердан ўтади.

Покровскда тинч аҳоли эвакуацияси 

Европадаги фермерлар намойиш қилишда давом этмоқда. Бунинг сабабларидан бири — украин маҳсулотлари божсиз киритилиши

Полша, Германия ва Франция фермерлари 2023 йилдан буён намойиш қилиб келмоқда. Бу йилда уларга Белгия, Италия, Греция, Литва ва Латвиядаги ҳамкасблар қўшилди. Фермерлар дизел ёнилғиси нархи ошиши, ҳукумат субсидияларини қисқартириш режалари ва Европа иттифоқининг иқлим сиёсатига қарши — шунинг учун улар шаҳарлар кўчаларини тракторлар билан тўсиб қўйишмоқда.

Марказий ва Шарқий Европадаги фермерлар ҳолатини Украинадаги уруш ўзгартириб юборди. 2022 йилда Евроиттифоқ Украинадан озиқ-овқат маҳсулотлари олиб кирилишига божлар ва квоталарни бекор қилди, бундан ташқари, ЕИ ва Украина ўртасида юк ташувларини соддалаштириш тўғрисидаги келишув кучга кирди. Натижада қўшни мамлакатлар украинларнинг арзон маҳсулотлари билан тўлмоқда — маҳаллий фермерлар эса бунга қарши намойишлар ўтказмоқда, энг йириклари — Полшада бўлиб ўтмоқда.