Ўзбекистонда «Энг намунали маҳалла раиси» танлови ўтказилади

Жорий йилдан бошлаб илк маротаба фуқаролар йиғинлари раислари орасида “Энг намунали маҳалла раиси” танлови ўтказилади. Бу ҳақда Ўзбекистон маҳаллалари уюшмаси раис ўринбосари Абдулла Асланов маълум қилди.

Унга кўра, танловнинг 1-босқич (сектор миқёсида) – жорий йил 19-25 феврал кунлари, 2-босқич (туман/шаҳар миқёсида) – 26-29 феврал кунлари, 3-босқич (Қорақалпоғистон Республикаси, вилоятлар ва Тошкент шаҳар миқёсида) – 1-10 март кунлари ўтказилади.

Танлов ғолиблари 22 март - Маҳалла тизими ходимлари куни арафасида эълон қилинади.

Аҳоли муаммоларини ўрганиш ва ҳал қилиш ҳамда “маҳалла еттилиги”нинг фаолияти тизимини самарали ташкил этиш бўйича “Андижон тажрибаси” ишлаб чиқилди ва амалиётга жорий этилди.