Қўшимча функционаллар
-
Тунги кўриниш
Ўзбекистонда ов мавсуми якунланди
Энди 15 августга қадар ҳар қандай ов учун тақиқ ўрнатилади.
«Ов қилиш ва овчилик хўжалиги тўғрисида»ги қонунига мувофиқ 28 февралдан Ўзбекистонда ов мавсуми якунланди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.
Қайд қилинишича, энди 15 августга қадар ов қилишга тақиқ ўрнатилади.
Вазирлик фуқаролардан чеклов вақтида табиатни муҳофаза қилиш қонунчилик талабаларига риоя этишни, шу билан бирга, қуш ови бўйича берилган рухсатномаларни 10 кун муддатда Ўзбекистон Овчи ва балиқчилар спорт бирлашмаси ва унинг бўлинмаларига топширишни сўрамоқда. Таъкидланишича, ноқонуний ов учун қаътий жавобгарлик белгиланган.
Вазирлик маълумотига кўра, аввалги мавсумда ноқонуний ов билан боғлиқ бўлган мингдан ортиқ ҳолат аниқланган. Ҳуқуқбузарларга нисбатан қарийб 3 миллиард сўмга яқин жарима жазоси қўлланган. Шунингдек, улардан 837 та ҳайвон ва парранда, 2836 кг балиқ, 160 дан ортиқ ноқонуний ов қуроллари олиб қўйилган.
Мавзуга оид
11:40 / 10.09.2024
Хоразмда 4 туп дарахт кесган шахс жарима ва зарар учун 27,8 млн сўм тўлайди
14:56 / 26.07.2024
Анҳор боғида режалаштирилган “лента-шоу” бекор қилинди
08:45 / 13.07.2024
“Навоийазот” ҳавога меъёрдан ортиқ ташланмалар чиқаргани аниқланди
21:42 / 19.06.2024