Январда 444 мингдан ортиқ чет эллик қариндошини йўқлаш мақсадида Ўзбекистонга келди

Статистика агентлиги маълумотларига кўра, 2024 йил январ ойида Ўзбекистонга келган чет эл фуқароларининг сафар мақсадлари орасида қариндошларни йўқлаш биринчи ўринни эгаллади – 444,1 минг киши.

Ундан кейинги ўринларда сафар мақсадлари мос равишда дам олиш ва саёҳат (46,1 минг киши) ҳамда хизмат юзасидан ташриф (11,7 минг киши) эканини қайд этганлар жой олди.

Ушбу кўрсаткич бошқа сафар мақсадлари кесимида қуйидагича кўринишга эга:

• тижорат – 9,2 минг киши;
• даволаниш – 7 минг киши;
• ўқиш мақсадида – 2,1 минг киши.