Наврўз муносабати билан Тошкентдан 5 та шаҳарга қўшимча авиақатнов йўлга қўйилади

Наврўз байрами муносабати билан Тошкентдан Нукус, Бухоро, Урганч, Фарғона ва Наманганга қўшимча авиақатновлар йўлга қўйилади.

Фото: Kun.uz

Uzbekistan Airways Наврўз байрами муносабати билан бир қанча маҳаллий йўналишларга қўшимча авиақатновлар жорий этилишини маълум қилди.

Қўшимча рейслар:

Тошкент - Нукус - Тошкент - 20 март куни;
Тошкент - Бухоро - Тошкент - 20, 21, 24 март кунлари;
Тошкент - Урганч - Тошкент - 24 март куни;
Тошкент - Фарғона - Тошкент - 21 март куни;
Тошкент - Наманган - Тошкент - 24 март куни.

Uzbekistan Airways Наврўз байрами муносабати билан маҳаллий авиақатновлар учун 30 фоизлик чегирма эълон қилганди. У 21-24 март кунлари эконом ва бизнес класс тарифлари учун амал қилади.