Британия соғлиқни сақлаш тизими ўзбекистонлик ҳамшираларга қизиқиш билдирмоқда
Ўзбекистон элчиси Равшан Усмонов Британиянинг NEU Professionals рекрутинг компанияси директори Эдита Озбек билан онлайн тарзда учрашди.
"Дунё" хабарига кўра, Эдита Озбек миграция соҳасида ҳамкорликни йўлга қўйишдан мамнун эканлигини билдириб, мамлакатдаги тиббиёт ходимларини Британияда иш билан таъминлашга тайёрлигини айтиб ўтди. Шунингдек, мутахассислик даражасида инглиз тили курсларини ташкил этиш таъкидланди.
Музокаралар натижасида мамлакатнинг соҳавий вазирлик ва идоралари билан манзилли музокаралар ташкил этиш учун мазкур рекрутинг агентлиги ҳамда Қироллик ҳамширалик коллежи (Royal College of Nursing), Ковентри университети (Coventry University), "Мутахассис тил курслари" (Specialist Language Course), виза ва иммиграция вакилларидан иборат делегацияни 20-23 апрел кунлари Ўзбекистонга юбориш бўйича келишувга эришилди.
Мавзуга оид
10:30
Ўзбекистон ва Британия бўлажак дипломатларни тайёрлаш соҳасида ҳамкорлик қилиши мумкин
22:48 / 18.09.2024
Британияда капалаклар камайиб кетаётгани туфайли «фавқулодда ҳолат» эълон қилинди
13:12 / 18.09.2024
Буюк Британияда қироллик фермаси учун чўпон қидирилмоқда
13:20 / 16.09.2024