Самарқандда 1 кг қорадорини 25,5 минг долларга сотаётган шахслар ушланди

Қўлга олинган уч нафар фуқаро ҳам Ургут туманида яшовчи шахслар бўлган.

ДХХ Самарқанд вилояти бошқармаси ва вилоят ИИБ ходимлари ҳамкорликда ўтказилган тезкор тадбирда қорадори сотмоқчи бўлган шахслар қўлга олинган.

Ургут туманида яшовчи фуқаро – 26 ёшли Б.Х., 28 ёшли М.Ж. ҳамда 35 ёшли Й.Ф. ноқонуний гиёҳванд моддалар савдоси билан шуғулланиб келаётгани аниқланиб, Ургут тумани Жарқишлоқ маҳалласи ҳудудида 1 кг “опий”ни фуқарога 25,5 минг долларга сотаётган вақтида қўлга олинган.

Қайд этилишича, ушбу шахсларга нисбатан Жиноят кодексининг тегишли моддалари билан жиноят иши қўзғатилиши режалаштирилиб, ҳозирда суриштирув ҳаракатлари олиб борилмоқда.