Тошкент вилоятининг қарийб 20 минг гектар ер майдони Тошкент шаҳрига ўтказилди
Юқори Чирчиқ ва Ўрта Чирчиқ тумани ерларининг бир қисми Тошкент шаҳрининг Янги Тошкент тумани таркибига қўшилди.
Тошкент вилоятининг қарийб 20 минг гектар ер майдони Тошкент шаҳридаги Янги Тошкент тумани таркибига ўтказилди. Бу ҳақдаги қарор Тошкент вилояти ҳокими Зойир Мирзаев томонидан имзоланди.
Қарорга кўра, Тошкент вилояти ҳудудидан 19729,41 гектар, шу жумладан Юқори Чирчиқ туманидан 17323,32 гектар, Ўрта Чирчиқ туманидан 2406,1 гектар ер майдони Тошкент шаҳрининг Янги Тошкент тумани таркибига ўтказилган.
Тошкент вилоятининг Юқори Чирчиқ туманидаги 33 та маҳалла, шундан 20 та тўлиқ, 13 та қисман ҳамда Ўрта Чирчиқ туманидаги 7 та маҳалла, шундан 4 та тўлиқ, 3 та қисман бўлган ҳудудлари Тошкент шаҳри таркибидаги Янги Тошкент туманига қўшилган.
Тошкент шаҳри таркибида Янги Тошкент тумани ташкил этилиши ҳақида 2023 йил ноябр ойида ҳақида хабар берилган эди. Қайд қилинишича, 500 минг аҳолига мўлжалланган Янги Тошкент шаҳри Чирчиқ ва Қорасув дарёлари оралиғида барпо этилади. 2023 йил март ойида президент Шавкат Мирзиёев «Янги Тошкент» лойиҳаси қурилишига тамал тошини қўйган.
Мавзуга оид
07:30
Тошкентда машинасини сотишни айтиб, ўзганинг пулини ўзлаштирган шахс ушланди
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024
Тошкентда тезлиги юқори BYD мактаб ўқувчисини уриб юборди
18:58 / 19.09.2024