Ўзбекистон Ташқи ишлар вазирлиги Москвада содир этилган терактни кескин қоралади

Терроризмни оқлаб бўлмайди, дейилади департамент баёнотида.

Фото: РИА Новости

Ўзбекистон Ташқи ишлар вазирлиги Москва вилоятидаги «Крокус Сити Холл» концерт залида содир этилган террорчилик ҳаракатини кескин қоралади.

«Терроризмни оқлаб бўлмайди, биз бегуноҳ фуқароларга нисбатан бундай зўравонликни бир овоздан рад этишга чақирамиз. Ҳалок бўлганларнинг барча оила аъзолари ва яқинларига самимий ҳамдардлигимизни билдирамиз», дейилади ТИВ баёнотида.

Аввалроқ, Москва вилояти, Красногорск шаҳридаги «Крокус Сити Холл» концерт залида отишма юз бергани, номаълум шахслар автомат милтиқдан одамларга қарата ўқ узгани, ўнлаб қурбонлар борлиги ҳақида хабар берилган эди.

Тайёрлаган Сардор Юсупов

#теракт #Крокус Сити Ҳолл

Россиянинг Москва вилояти, Красногорск шаҳридаги «Крокус Сити Холл» концерт залида отишма юз берди. Маҳаллий ОАВ хабарларига кўра, номаълум шахслар автомат милтиқдан одамларга қарата ўқ узган.