Тошкентда уй томида 173 та гултувакда гиёҳванд ўсимликлар етиштираётган шахс ушланди
Фуқаронинг уйидан гиёҳванд моддаларнинг қуритилиб, сотишга тайёрлаб қўйилгани ҳам топилган.
Тошкент шаҳрида гиёҳванд моддаларнинг етиштирилиши ва тарқатилиши ва сотилишига қарши тезкор тадбир ўтказилган. Бу ҳақда шаҳар ИИББ ахборот хизмати хабар бермоқда.
Тадбир давомида Шайхонтоҳур туманида яшовчи фуқаро яшаш уйининг том қисмида гултувакларда гиёҳванд ўсимликлар етиштираётгани аниқланган.
Маълум бўлишича, фуқаро уйининг томида махсус жой қилиб, у ерда суғориш тизими ва чироқлар ўрнатиб 173 та гултувакда марихуана гиёҳванд ўсимликларини ўстирган.
Шунингдек, фуқаронинг хонадонида кўп миқдорда гиёҳванд ўсимликларнинг қуритилгани ва уруғлари ҳам топилган. Бундан ташқари, гиёҳванд моддаларни тортиш учун тарози ва бошқа буюмлар борлиги аниқланган.
“Фуқаронинг уйидан олинган барча далилий ашёлар Тошкент шаҳар ИИББ экспертиза марказига топширилади. Экспертиза хулосаси олингандан сўнг фуқарога нисбатан қонуний қарор қабул қилинади”, дейилади хабарда.
Мавзуга оид
16:51 / 02.10.2024
Тошкентда хонадонида гиёҳванд моддалар ва кучли таъсир қилувчи дорилар сақлаб келаётган шахс ушланди
13:30 / 01.09.2024
Самарқандда 10 минг долларга гиёҳвандлик моддасини сотаётган шахслар ушланди
13:30 / 20.08.2024
Тошкент пропискаси ҳақидаги қонун бекор қилинади
07:29 / 08.07.2024