WhatsApp мессенжери глобал узилишдан сўнг ўз фаолиятини қайта тиклади

Дунёнинг турли давлатларида бир неча соат давом этган WhatsApp мессенжери ишидаги носозликлар бартараф этилди. Бу ҳақда мессенжернинг 4 апрел, пайшанба куни эрталаб X ижтимоий тармоғидаги микроблогида маълум қилин. «Ва биз қайтдик! Суҳбатдан завқланинг!» - дейди бу постда. Узилишларга айнан нима сабаб бўлгани ҳақида хабар берилмаган. 

Бундан бир неча соат олдин, 3 апрел оқшомида бутун дунё бўйлаб фойдаланувчилар WhatsApp ишидаги кенг кўламли носозликлар ҳақида хабар берди. Мессенжерда хабарларни жўнатиш ёки қабул қилишнинг имкони бўлмаган, унинг веб-версияси очилмаган ва уланиш муаммолари ҳақида хабар берилган, шунингдек, медиафайллар ҳам юкланмаган.

Муаммолар ҳақида хабарлар, хусусан, Россия, Британия, Ҳиндистон, Бразилия, АҚШ ва бошқа баъзи мамлакатлардан келган. Downdetector сервиси маълумотларига кўра, носозликнинг энг юқори чўққисида АҚШда 24 минг WhatsApp фойдаланувчиси узилиш ҳақида хабар берган. Шу билан бирга, Meta компаниясига тегишли Facebook ва Instragram ижтимоий тармоқлари ишидаги муаммолар ҳақида ҳам маълумот пайдо бўлди. 

Айни вақтда, Россия регулятори Роскомнадзор 3 апрел куни кечқурун Россияда WhatsApp ишини блокламаганини таъкидлади. «Носозлик ҳақидаги маълумот Downdetector хорижий сервиси томонидан тарқатиляпти. Муаммо, эҳтимол, РФда фаолияти тақиқланган Meta инфратузилмасидаги носозлик билан боғлиқ», - дея таъкидлади департамент.