3 млрд сўмлик табиий газни ўғирлаган фермер қамоққа олинди
У паррандачилик фермасини табиий газ тармоғига ўзбошимчалик билан улагани аниқланган.
Хоразм вилояти, Урганч туманида 3 млрд сўмдан ортиқ қийматдаги табиий газни ўғирлаган фермер қамоққа олинди. Бу ҳақда Бош прокуратура хабар берди.
Қайд қилинишича, «M.» фермер хўжалиги раҳбари А.Э. паррандачилик фермасини табиий газ тармоғига ўзбошимчалик билан улаб, 2 млн 249 минг куб.м. газни ўғирлаган. Оқибатда давлатга 3,3 млрд сўм зарар етказилган.
Ҳолат юзасидан Жиноят кодексининг 169-моддаси («Ўғирлик») 4-қисми «а» банди билан жиноят иши қўзғатилиб, гумонланувчи процессуал тартибда ушланган.
Таъкидланишича, прокуратура органлари томонидан ёқилғи-энергия ресурсларидан ноқонуний фойдаланиш билан боғлиқ ҳолатларни фош этишга қаратилган назорат тадбирлари давом этмоқда.
Мавзуга оид
18:40 / 18.09.2024
Урганч давлат университети томонидан ўтказилган тендерда қонунбузилиши аниқланди
13:30 / 17.09.2024
Урганчда 2,9 млрд сўмлик ноқонуний дори воситалари аниқланди
11:40 / 10.09.2024
Хоразмда 4 туп дарахт кесган шахс жарима ва зарар учун 27,8 млн сўм тўлайди
10:43 / 05.09.2024