Тошкент аэропорти янги самолёт буксирларини фойдаланишга қабул қилди
Uzbekistan Airports Тошкент аэропорти учун TLD Europe (Франция) компаниясидан тўртта янги TMX-150-15 аэродром буксирларини харид қилди. Айни пайтда пойтахт аэропортида ушбу турдаги техникаларнинг умумий сони тўққиз донага етди.
Аэродром буксири - бу ҳаво кемаларини шатакка олиб юриш учун мўлжалланган ихтисослаштирилган юк машинаси. Хусусан, самолётлар мазкур транспорт воситаси ёрдамида учиш-қўниш йўлагига, туриш жойига, терминалга ёки техник хизмат кўрсатиш учун ангарга етказилади.
Буксир ёрдамида самолётнинг перронда аниқ жойлашишини таъминлаш, авиация ёқилғисини тежаш ва двигателнинг ишлаш муддатини узайтириш, шунингдек, самолётларни аэропорт ичида ҳаракатлантиришда хавфсизликни таъминлашга ёрдам беради.
Uzbekistan Airports компанияси махсус транспорт паркини янгилаш ва модернизация қилиш бўйича тизимли ишлар олиб бормоқда.
Жумладан, аэродром мажмуасини тозалаш учун янги универсал машиналар, самолётларни муздан тозалаш машиналари, самолёт ташувчи транспорт, двигателларни ерда ишга тушириш қурилмалари, самолёт салони учун ҳаво кондиционерлари ва бошқалар харид қилинмоқда.
Мавзуга оид
20:47 / 21.09.2024
Норвегиядан Испанияга учган самолёт сичқон сабаб авариявий қўнишни амалга оширди
20:25 / 19.09.2024
Москва аэропортларида хорижликлар учун янги қоидалар жорий этилади
18:55 / 14.09.2024
АҚШда водородда ҳаракатланадиган ноёб самолёт тақдим этилди
10:45 / 12.09.2024