Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 11:10 / 02.05.2024
    10689
    4 дақиқада ўқилади

    Фаластин тарафдорлари Колумбия университети биносини эгаллаб олиши. Фотосуратлар

    12 соат ўтиб уларни полиция тарқатиб юборди — 300 киши ҳибсга олинган.

    Фаластин тарафдорлари бўлган намойишчилар 29 апрел куни Ҳамилтон-ҳоллни эгаллашди ва баррикада қуришди — бу Колумбия университетининг асосан маъмурий офислар жойлашган асосий кампусларидан биридир. Бино эгаллаб олиниши тарихда учинчи бор кузатилди, бундай ҳолат 1968 ва 1985 йиллардаги талабалар ғалаёнлари вақтида рўй берган. Намойишчилар эгаллаб олинган бинони 12 соат давомида ушлаб туришган, кейин эса полиция рейди давомида бино озод этилган; 300 нафар атрофидаги киши ҳибсга олинган. Бино эгаллаб олингани туфайли университет раҳбарияти дарсларни масофавий форматга ўтказишга мажбур бўлган.

    Фаластин тарафдорларининг намойишлари бошқа нуфузли олий таълим муассасаларининг кампусларида ҳам давом этмоқда: Лос-Анжелесдаги Калифорния университети, Техас университети, Чапел-Ҳиллдаги Шимолий Каролина университети ва бошқалар. Associated Press нашри ҳисоб-китобларига кўра, намойишларнинг икки ҳафтаси давомида полиция мингдан ортиқ фаолларни қўлга олган.

    Намойишчиларнинг Ню Йоркдаги Колумбия​​​ университети кампуси ҳудудида ўрнатган лагерида 29 апрел кунги вазият
    Victor J. Blue / The Washington Post / Getty Images
    Университетнинг 1907 йилда қурилган ва АҚШга асос солган оталардан бири бўлган Александр Ҳамилтон шарафига номланган маъмурий биноси бўлмиш Ҳамилтон-ҳоллга бостириб кираётган намойишчилардан бири
    Alex Kent / Getty Images
    Ню Йоркдаги Колумбия университети ҳудудидаги Ҳамилтон-ҳолл балконида «интифада» ёзувли баннер
    Selcuk Acar / Anadolu / Getty Images
    Колумбия университети ҳудудидаги Ҳамилтон-ҳолл биноси ичкарисида баррикада ўрнатган намойишчилар. Ҳамилтон-ҳолл ўз тарихида икки бор шу каби талабалар тўлқини вақтида маъмурият биноси эгаллаб олинишини бошдан кечирган. Хусусан, бино 1968 йил апрелидаги намойишлар чоғида эгаллаб олинганди. Вазият 1985 йилда, талабалар ЖАРдаги апартеид сиёсатига қарши чиқишганида такрорланганди
    Alex Kent / Getty Images
    Фаластин байроғини кўтарган намойишчи Ҳамилтон-ҳолл томида
    Spencer Platt / Getty Images
    Ҳамилтон-ҳоллда қамалиб олган намойишчилар егулик ва бошқа зарур нарсалар солинган қутини балконга тортиб олишмоқда
    Mary Altaffer / Getty Images
    Фаоллар Колумбия университети тимсоли бўлган ҳайкалга (Alma Mater) Фаластин ҳаракати рамзи бўлган арафаткани олиб қўйишган
    Selcuk Acar / Anadolu / Getty Images
    Колумбия университети ҳудудидаги Ҳамилтон-ҳоллга кириш жойини тўсиб қўйган намойишчилар
    Olga Federova / EPA / Scanpix / LETA
    Полициячилар намойишчилар тўсиб қўйган бинога ёриб кириш учун махсус техникадан фойдаланмоқда
    Selcuk Acar / Anadolu / Getty Images
    Полициячилар юк машинаси томига ўрнатилган рампаси орқали Ҳамилтон-ҳоллнинг иккинчи қаватига кўтарилмоқда
    Stephani Spindel / EPA / Scanpix / LETA
    1 майга ўтар кечаси намойишчилар қўлга олиниши жараёни
    Alex Kent / Getty Images
    Колумбия университети кампусида полиция рейди чоғида қўлга олинган намойишчилар
    Stephanie Keith / Getty Images
    Ню Йорк полицияси ходимлари Колумбия университети кампусини тозалаш чоғида бир сафга тизилишди
    Kena Betancur / AFP / Scanpix / LETA
    Alex Kent / Getty Images
    #Исроил #Фаластин #Колумбия университети

    Ҳамас–Исроил уруши

    2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.

    Мавзуга оид

    10:45 / 09.11.2024

    Ливан: Исроилнинг UNIFIL ва Ливан армияси ҳарбийларига ҳужумлари уруш жиноятлари ҳисобланади

    17:40 / 08.11.2024

    «Маккаби» мухлислари Амстердамда Фаластин байроғини ёқиб, тартибсизлик келтириб чиқаришди ва сўнг таксичилар тақибига учрашди

    17:32 / 08.11.2024

    Нетаняҳу мудофаа вазирини бўшатди: бу ғалаёнларга сабаб бўлмоқда

    14:13 / 08.11.2024

    Ғазо секторида Исроил ҳужумларида 16 фаластинлик ҳалок бўлди