Қўшимча функционаллар
-
Тунги кўриниш
Тошкентда тўйи куни машинадан танасини чиқариб ҳаракатланган келин-куёв жавобгарликка тортилди
Тўйхонадан уйга қайтаётган келин ҳаракатланаётган машинанинг люкидан, куёв эса орқа чап ойнасидан танасини чиқариб, қоидабузарлик содир этган.
Тошкент шаҳрида тўй куни ҳуқуқбузарлик содир этган келин ва куёв жавобгарликка тортилди.
Пойтахт Йўл ҳаракати хавфсизлиги бошқармаси хабарига кўра, 25 апрел куни соат 22:30 ларда “Бектемир” тўйхонасидан Mercedes-Benz транспорт воситасида уйга қайтаётган келин ҳаракатланаётган машинанинг люкидан, куёв эса орқа чап ойнасидан танасини чиқариб, қоидабузарлик содир этган.
Содир бўлган ҳолат юзасидан Тошкент шаҳар ИИББ ЙҲХБ томонидан Маъмурий жавобгарлик тўғрисидаги кодекснинг 138-модда (пиёдалар ва йўл ҳаракати бошқа иштирокчиларининг йўл ҳаракати қоидаларини бузиши) билан тегишли ҳужжатлар расмийлаштирилган.
Шунингдек, ҳайдовчининг автомашинани бошқариш учун тегишли ҳужжатлари бўлмагани сабабли унга нисбатан Маъмурий жавобгарлик тўғрисидаги кодекснинг 135-моддаси (йўл ҳаракати қоидаларида назарда тутилган ҳужжатлари бўлмаган шахсларнинг транспорт воситаларини бошқариши) билан маъмурий баённома расмийлаштирилган ва транспорт воситаси жарима майдонига қўйилган.
Мавзуга оид
08:54 / 17.04.2025
Йил бошидан бери энг кўп қандай маъмурий ҳуқуқбузарлик содир этилгани айтилди
13:30 / 24.03.2025
100 мингга яқинлашган маъмурий қамоқ, 5 баробар ошган депортация — Ўзбекистонда ҳуқуқбузарликлар статистикаси
12:35 / 20.03.2025
Заргарлик соҳасидаги ҳуқуқбузарликлар учун жарима миқдори оширилади
14:43 / 01.03.2025