Рамзон Қодировнинг 18 ёшли ўғли 3 ой ичида иккинчи марта вазир бўлди
Аҳмат Қодиров спорт вазири лавозимини эгаллади. У бунгача ёшлар ишлари вазири эди.
Чеченистон ёшлар ишлари бўйича вазири лавозимини 2024 йил февралидан бери эгаллаб келаётган Аҳмат Қодиров республиканинг спорт вазири лавозимини эгаллади. Бу ҳақда Рамзон Қодиров ўзининг Telegram’даги саҳифасида маълум қилди.
Ёшлар ишлари бўйича вазир лавозимини эса Рамзон Висмуродов эгаллади. У бунгача “Аҳмат” спорт клуби директори эди.
Бунгача спорт вазири сифатида ишлаб келган Исо Ибрагимов эса Чеченистон президенти администрацияси раҳбари лавозимига ўтказилган.
Маълумот учун, Аҳмат Рамзон Қодировнинг катта ўғли. У 18 ёшда. Жорий йилнинг февралида Чеченистон ёшлар ишлари вазири этиб тайинланганди. Бу лавозимгача эса Аҳмат Қодиров Жисмоний тарбия ва спорт вазирининг биринчи ўринбосари сифатида ҳам ишлаган.
Аҳмат, шунингдек, Россия болалар ва ёшлар ҳаракатинг Чеченистондаги ҳудудий кенгаши раиси ҳам бўлган.
Мавзуга оид
09:50 / 26.09.2024
Адвокат: Зарема Мусаеванинг саломатлиги ўта оғир даражага яқин
21:56 / 19.09.2024
Рамзон Қодиров Cybertruck электромобили Илон Маск томонидан «ўчириб қўйилганини» айтди
21:22 / 19.09.2024
Чеченистон собиқ бош вазири мактабларда Дарвин назариясини тақиқлашни талаб қилди
16:54 / 02.09.2024