Европа Иттифоқи Швейцарияда Украина бўйича ўтадиган тинчлик саммитини тўлиқ қўллаб-қувватлайди

Европа Кенгаши Комиссияси матбуот котиби Петер Станонинг таъкидлашича, Европа Иттифоқи Украинада бўйича Швейцарияда тинчлик саммити ўтказилишини тўлиқ қўллаб-қувватлайди ва халқаро ҳамкорлар билан уларнинг тадбирда кенг иштироки бўйича иш олиб бормоқда.

Европа Иттифоқининг ташқи сиёсат бўйича ижроия органи бўлмиш Комиссиянинг матбуот котиби ҳар кунлик брифингда келгуси ойда Швейцарияда ўтказилиши кутилаётган Украинада бўйича тинчлик саммити тўғриисидаги саволларга жавоб берган.

«Европа Иттифоқи келгуси ойнинг ўрталарида Швейцарияда ташкиллаштириладиган тинчлик саммитини тўлиқ қўллаб-қувватлайди», — деган Стано.

«Бу саммитнинг мақсади биз учун жуда муҳим, чунки биз уни бўлажак тинчлик жараёнлари учун илҳомланиш манбаси сифатида кўрмоқдамиз. Европа Иттифоқи тадбир бутун дунёдаги ҳамкорларимиз билан имкон қадар кенгроқ вакиллар иштирокида ўтказилишини таъминлаш учун саъй-ҳаракат қилмоқдамиз. 70 дан ортиқ давлат саммитда қатнашиш мажбуриятини ўз зиммасига олиб бўлган».

Россия президенти Владимир Путин иштирокида муқобил саммит ташкиллаштиришга уринишлар тўғрисидаги саволларга жавоб берар экан, Стано шундай деган:

«Путиннинг ушбу саммит самарадорлигини йўққа чиқаришга бўлган уриниши ёки параллел фаолият олиб бориши, у саммитдан нечоғлиқ чўчиётганидан далолат беради».

Белгия билан хавфсизлик кафолатлари тўғрисида битим имзолаш учун Брюсселда бўлиб турган Украина президенти Володимир Зеленский саммитда жаҳоннинг барча етакчилари, жумладан, АҚШ президенти Жо Байден ва Хитой раиси Си Жинпингни ҳам кутаётганини маълум қилди. Зеленскийнинг таъкидлашича, Байденнинг саммитда иштирок этишидан бош тортиши — унинг Путинга «қарсак чалиши»ни билдиради.