АЭХА Эронга қарши кескин резолюцияни қабул қилди
Атом энергияси бўйича халқаро агентлик Эрондан иккита объектида уран зарраларини аниқлаш ҳолатлари бўйича тергов доирасидаги ҳамкорликни талаб қилмоқда.
Атом энергияси бўйича халқаро агентлик (АЭХА) бошқарув кенгаши Британия, Франция ва Германия таклиф қилган Эрон бўйича кескин резолюцияни қабул қилди.
Ҳужжат муаллифлари Эрондан АЭХА билан фаолроқ ҳамкорлик қилишни, жумладан, Эроннинг иккита объектида уран зарраларини аниқлаш ҳолатлари бўйича тергов доирасидаги ҳамкорликни талаб этишган. Уларнинг фикрича, «Эроннинг ядровий дастурида кўп нарса ядровий қурол дастурига эга бўлмаган давлат учун мисли кўрилмаган».
АЭХА бошқарув кенгаши Эроннинг ҳаракатларини танқид қилувчи сўнгги резолюцияни 2022 йил ноябрида қабул қилган эди. Кейин Россия ва Хитой бунга қарши овоз берди. Эрон ушбу ҳужжатнинг қабул қилинишига жавобан ўз объектларида уранни бойитиш тезлигини 60 фоизгача тезлаштирди.
Теҳрон ушбу резолюцияга «жиддий ва самарали жавоб қайтаришга» ваъда берди.
Мавзуга оид
08:30
Ўзбекистон ва АЭХА ўртасида ядро тиббиёти соҳасида битим имзоланди
22:33 / 20.09.2024
АЭХА Россияни Запорижжя АЭС ҳудудини зудлик билан тарк этишга чақирди
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
11:10 / 17.09.2024