Qanot Sharq компанияси Тошкент-Будапешт йўналишида авиапарвозларни йўлга қўйди

Qanot Sharq авиакомпанияси ўз географиясини янада кенгайтирмоқда. Компания йўловчиларга янада замонавий ва хавфсиз хизмат кўрсатиш, Ўзбекистонни транзит марказига айлантиришга ҳисса қўшиш мақсадида 30 июндан “Тошкент – Будапешт” йўналишида ҳафтанинг ҳар якшанбасида амалга ошириладиган авиарейсларни эълон қилди.

Янги рейслар – янги имкониятлар

Янги рейслар туристлар, тадбиркорлар ва талабалар учун кўплаб имкониятларни очиб бериши кутилмоқда. Туристлар икки мамлакатнинг бой маданий мероси ва тарихий обидаларини зиёрат қилиш имкониятига эга бўладилар. Тадбиркорлар учун эса янги савдо ва инвестицион алоқаларни ўрнатишда қулай шароитлар яратилади, бу икки мамлакатнинг иқтисодий ҳамкорлигини кучайтиради. Талабаларга бу орқали Венгрия таълим ва маданий алмашиш дастурларидан фойдаланиш имконияти яратилади.

Будапешт: ажойиботларни севувчилар учун қайноқ нуқта

 Таъкидлаш керакки, мамлакат тарихий ва маданий ёдгорликлари, жумладан, Европадаги энг катта синагога ва эски қалъалар, Балатон кўли, Тихани Миллий Боғи каби табиий гўзалликларга бой.

Аммо Венгриянинг маданий ва тарихий маркази, дунёнинг энг гўзал шаҳарларидан бири - Будапешт саёҳатчилар учун алоҳида жозибадорликка эга. Шаҳар меъморчилиги готик, барокко, неоклассик ва модерн услубларининг ажойиб аралашмасини тақдим этади. Дунёдаги "термал пойтахт" номи билан танилган шаҳарда кўплаб термал ҳаммомлар, жумладан Сеченья ва Геллерт булоқлари меҳмонларга табиий саломатлик манбаларидан фойдаланиш имконини беради. Шаҳарни иккига: Буда ва Пештга ажратган Дунай дарёси бўйлаб кечки круизлар шаҳарнинг бетакрор манзарасини томоша қилиш учун ажойиб имкониятдир.

Музей ва галереялар, Венгрия парламенти биноси, Буда қалъаси ва Авлиё Стефан базиликаси шаҳарнинг бой маданий меросини намойиш этиб, саёҳатчилар учун унутилмас таассуротларни қолдиради.

2024 йилнинг 30 июнидан бошлаб, Qanot Sharq авиакомпанияси Тошкент ва Будапешт ўртасида тўғридан-тўғри мунтазам авиарейсларни йўлга қўйишни бошлайди. Мазкур рейслар ҳар якшанба куни амалга оширилади. Бундан ташқари, компания 2024 йилнинг 4 сентябридан бошлаб, чоршанба кунлари яна бир қўшимча рейсни йўлга қўйишни режалаштирган. Бу икки давлат ўртасидаги алоқаларни янада ривожлантириш ва парвозларнинг қулайлигини оширишга ёрдам беради. 

Авиакомпания ушбу рейсларни йўлга қўйишда ёрдам берган барчага миннатдорчилик билдириб, Ўзбекистон ва Венгрия ўртасидаги ҳамкорликни янада ривожлантиришни режалаштирганини маълум қилди.

Чипталарни компания расмий сайти: qanotsharq.com, агентлик авиакассалари ва онлайн-агрегаторлар орқали сотиб олиш мумкин.

Маълумот учун телефонлар: (+998) 71−227−93−07, (+998) 71−227−57−71.

Сайт: qanotsharq.com

Facebook: fb.com/qanotsharq

Instagram: @qanotsharq

Telegram: t.me/qanotsharq

Реклама ҳуқуқи асосида