Ўзбекистон Кувайтга ҳўл ва қуритилган мевалар экспортини оширади

Кувайт ва Ўзбекистон гилос ва шафтоли ҳамда қуритилган мевалар экспортини йўлга қўйиш масалаларини муҳокама қиляпти.

Фото: AP

Мамлакат элчихонаси кўмагида Ўзбекистон ва Кувайт компаниялари вакиллари ўртасида видео-конференц-алоқа шаклида онлайн учрашувлар ташкил этилди.

"Дунё" хабарига кўра, уларда Ўзбекистонда ишлаб чиқарилган ва етиштирилган маҳсулотларнинг Кувайтга экспортини янада ошириш, қўшма лойиҳаларни ҳаётга татбиқ этиш, инвестицияларни жалб этиш имкониятлари юзасидан фикр алмашилди.

Хусусан, Кувайтнинг KAM International Group, Al Homaizi Food Industries, Al Homaizi Food Industries ва Star Fruits сингари етакчи компаниялари ва мамлакат ишбилармон доира вакиллари Ўзбекистондан гилос ва шафтоли ҳамда қуритилган мевалар экспортини йўлга қўйиш масалаларини муҳокама қилдилар.

Онлайн учрашувлар давомида, шунингдек, Ўзбекистондан ҳўл ва қуритилган меваларни Кувайтга етказиб бериш бўйича транспорт-логистика тизимига ҳам эътибор қаратилди.