Саудия Арабистонида Ҳаж вақтида 14 киши ҳалок бўлди

Саудия Арабистонидаги Ҳаж вақтида Иорданиядан 14 нафар зиёратчи вафот этди. Яна 17 нафар зиёратчи бедарак йўқолган. Бу ҳақда Саудия Арабистони ташқи ишлар вазирлигига таяниб, Reuters хабар берди. 

Қайд қилинишича, ҳаддан ташқари жазирама иссиқ туфайли камида 6 нафар зиёратчи ҳалок бўлди, 17 июн куни кечқурун Маккада ҳаво ҳарорати +47°С эди.  

Саудия Арабистони Соғлиқни сақлаш вазирлиги ҳаво ҳарорати кескин кўтарилишидан огоҳлантирди ва зиёратчилардан соат 11:00 дан 15:00 гача очиқ ҳавода бўлмасликни сўради. 

Аввалроқ, Саудия Арабистонида ноқонуний Ҳаж қилган 300 мингдан ортиқ киши аниқлангани, уларнинг кўпчилиги зиёрат визаси ўрнига туристик виза билан Ҳажни бажаришга ҳаракат қилгани ҳақида хабар берилган эди. 

Бу йилги Ҳаж мавсуми 19 июнгача давом этиши кутилмоқда.