Самарқандда 7 ёшли қизалоқ скутерга иккита укасини миндириб катта йўлга "сайр"га чиқди

Қизча скутерга 5 ва 2 ёшли укаларини миндириб серқатнов катта йўл четида ҳаракатланган.

Фото: Видеодан кадр

Самарқанд вилоятида скутерда катта йўлда ҳаракатланиб кетаётган 7 ёшли қизалоқ ва унинг икки нафар укаси ЙҲХБ ходимлари томонидан ота-онасига соғ-омон топширилди.

Вилоят ИИБ ЙҲХБ ахборот хизматининг хабар беришича, ҳодиса 2024 йил 23 июн куни Самарқанд тумани ҳудудида содир бўлган.

ЙПХ ходимлари М-37А халқаро автомобил йўли бўйлаб ўз хизмат манзилига кетаётганда ёш қизалок икки нафар укасини миндириб олган ҳолда скутер бошқариб кетаётганини кўриб қолишган.

Сўнг қизалоқларнинг манзилини аниқлаб, уларни ота-онасига олиб бориб топширишган. Суриштирувда, скутер бошқараётган қизалоқ 7, укалари эса 5 ва 2 ёшда ёшда экани маълум бўлган.

“Ҳурматли ота-оналар, турли транспорт воситаларини қаровсиз қолдирманг, вояга етмаган болаларга скутер ёки бошқа транспортларни бошқаришга берманг”, дейилади хабарда.