«Мен урушда фойда келтираман». Украин маҳбуслари армияда хизмат қилишга тайёрланмоқда

Украинадаги урушнинг 862-куни ўтди. Асосий маълумотлар:

Путин тинчлик музокаралари бошланмагунича Украинада ўт очишни тўхтатиб бўлмаслигини айтди.
Чехия Россия биометрик бўлмаган паспортларини тан олишни тўхтатди.
Россия армияси полковниги Артём Городилов фирибгарлик иши бўйича ҳибсга олинди. Украина томони уни Бучада тинч аҳоли вакиллари ўлдирилиши учун жавобгар деб билади.
Белгород областида украин дронлари автомобилга ҳужум қилди. Тўрт киши, жумладан 12 ёшли қиз жароҳатланган.
4 июлга ўтар кечаси Россиянинг 22 та дрони Украинага ҳужум уюштирган. Украина қуролли кучлари 21 та дрон уриб туширилганини маълум қилди.
Такер Карлсон Зеленский билан интервю олиши ҳақида анонс берганди. Украина президенти матбуот хизмати буни рад этди.
Украина қуролли кучлари Часив Ярнинг Новий райони бой берилганини тасдиқлади.

Украин маҳбуслари армияга ёлланмоқда

Жорий йил май ойида Украина президенти Володимир Зеленский оғир бўлмаган жиноятлар учун қамалганларни ҳарбий хизматга қабул қилишга имкон берувчи фармонни имзолаганди. Украина адлия вазири ўринбосари Елена Висоцкая июл ойи бошида Associated Press учун берган интервюсида 3000 нафар атрофидаги маҳбуслар армияда хизмат қилиш учун қамоқхоналардан чиқарилганини маълум қилди. Вазирлик баҳоларига кўра, колонияларда жазони ўтаётганлардан 27 минг нафарини ҳарбий хизматга жалб этиш мумкин. Висоцкаянинг сўзларига кўра, маҳбусларнинг кўпчилиги уйга қамоқхонадан эмас, қаҳрамон сифатида қайтишни истамоқда. Украина қамоқхоналарини маҳбусларни ҳарбий хизматга чақириш билан шуғулланувчи рекрутерлар айланиб чиқмоқда. Қуйидаги фотосуратлар рекрутерларнинг Днипропетровск областидаги колониялардан бирига ташрифи чоғида олинган.

Днипропетровск областидаги колония маҳбуслари рекрутер ташрифи чоғида
Evgeniy Maloletka / AP / Scanpix / LETA

Колония ошхонасида тушлик
Evgeniy Maloletka / AP / Scanpix / LETA

Днипропетровск областидаги колония маҳбусларидан бири маҳаллий корхонада ишламоқда
Evgeniy Maloletka / AP / Scanpix / LETA

Маҳбуслар армиядаги хизмат ҳақида сўзлаб бераётган сержантни тингламоқда. «Сиз бунга барҳам беришингиз ва янги ҳаёт бошлашингиз мумкин», — дея унинг мурожаатидан иқтибос келтиради AP. «Асосийси — сенинг ироданг, чунки сен ватанингни ҳимоя қилишга отланасан. 50 фоиз билан муваффақиятга эриша олмайсиз, бунинг учун 100 фоизга, ҳатто 150 фоизга ўзингизни бағишлашингиз керак», — дея қайд этган «Арей» номли 7-алоҳида баталёни сержанти маҳбусларга мурожаат қиларкан
Evgeniy Maloletka / AP / Scanpix / LETA

Ҳарбий хизматга боришга розилик билдирган маҳбуслар лагерларда бирламчи тайёргарликни ўтаб, қурол билан муомила қилишни ўрганишади ва бошқа кўникмаларни эгаллашади
Evgeniy Maloletka / AP / Scanpix / LETA

Маҳбуслардан бири, ҳарбий хизматга розилик берган Михайло AP мухбири билан суҳбатда колонияда ўтказилган ойлардан кейин полигондаги юкламага бардош бериш осон эмаслигини тан олган
Evgeniy Maloletka / AP / Scanpix / LETA

«Мен урушда фойда келтира оламан», — деб ҳисоблайди Михайло ва уни уйида оиласи, болалари ва ота-онаси кутаётганини қўшимча қилган
Evgeniy Maloletka / AP / Scanpix / LETA

AP нашри ёзишича, айрим маҳбуслар ҳозирнинг ўзида ҳарбий хизматга боришга тайёр эмас, аммо эркинликка чиққанидан кейин ватанни ҳимоя қилишни ният қилган. Володимир — шундай йўл тутганлардан бири. У ўз танловини шартли-муддатидан олдин озод этиш дастури доирасида, ҳарбий хизмат учун қамоқхонадан чиқариладиган маҳбусларга амалда таътил берилмаслиги билан изоҳлаган.
Evgeniy Maloletka / AP / Scanpix / LETA

Донецк областида украинларнинг ҳаво ҳужумидан мудофаа бўлинмалари

РФ қўшини ҳар куни Украина ҳудудига «Shaheed» типидаги дронлар билан ҳужум қилмоқда. Пилотсиз учиш қурилмалари, жумладан FPV-дронлар операторларга жанг майдонидаги вазиятни жонли эфирда кузатиш имконини беради, улардан шунингдек разведка мақсадларида фойдаланилади, улар портловчи моддалар ташлаб, душманга зарар етказиши ҳам мумкин. Донецк областида россияликларнинг дронларига қарши курашиш билан бошқа бўлинмалар қатори княз Константин Острожский номидаги 30-алоҳида механизациялашган бригаданинг махсус бўлинмаси ҳам иштирок этмоқда. Қуйидаги фотосуратларда унинг жангчилари фаолияти акс этган.

30-алоҳида механизациялашган бригада жангчиси жуфт стволли ЗУ-23-2 зенит қурилмасидан ўт очмоқда
Alina Smutko / Reuters / Scanpix / LETA

ЗУ-23-2 учун 23-мм калибрли снарядлар қўлланади
Alina Smutko / Reuters / Scanpix / LETA

Бу зенит қурилмаси СССРда ишлаб чиқилган ва советлар армиясига илк бор 1960 йилда қабул қилинган
Alina Smutko / Reuters / Scanpix / LETA

ЗУ-23-2 нафақат СССР, балки Чехословакия, Болгария, Миср, Финландия ва бошқа қатор мамлакатларда ишлаб чиқарилган
Alina Smutko / Reuters / Scanpix / LETA

Ярадор украинларнинг Лвив областидаги реабилитация жараёни

Урушда яраланган ва майиб бўлган украинларга ёрдам бериш — мамлакат ҳукумати учун ҳам, кўнгилли ва хайрия ташкилотлари учун ҳам устувор вазифалардан биридир. Лвив яқинидаги Винникида 2023 йилда Superhumans номли илк реабилитация ва протезлаш маркази очилганди. 2024 йил ёзида Лвивдаги Superhumans марказининг замонавий жиҳозланган ва 10 минг квадрат метр майдонни эгаллаган янги корпуси тақдимоти ўтказилди. Яқин йилларда Superhumans Украинанинг Харкив, Миколайив, Винница, Ривне ва Днипро каби шаҳарларида ҳам ўз марказларини очишни режалаштирган. Марказ фаолияти донорлар ҳамда ҳамкор давлатлар томонидан молиялаштирилади, клиникада барча хизматлар беморлар учун бепул қилиб қўйилган.