Шавкат Мирзиёев Масъуд Пизишкиённи Эрон президенти этиб сайлангани билан табриклади

Шавкат Мирзиёев Масъуд Пизишкиёнга Эрон Ислом Республикаси президенти этиб сайлангани муносабати билан табрик йўллади.

Давлат раҳбари ўз мактубида мамлакатлар ўртасидаги кўп қиррали ва узоқ муддатли шериклик барча устувор йўналишларда янада юқори босқичга кўтарилишига ишонч билдирган.

“Биз катта салоҳият ва имкониятга эга бўлган, сўнгги йилларда жадал ривожланиб бораётган давлатингиз билан сиёсий, савдо-иқтисодий, транспорт-коммуникация ва маданий-гуманитар соҳалардаги ҳамкорликни бундан буён ҳам изчил ва самарали кенгайтиришдан манфаатдормиз”, деган президент ўз мактубида.

Эслатиб ўтамиз, этник озарбойжон Масъуд Пизишкиён Эроннинг сайланган тўққизинчи президентига айланади. У 16,4 млн эронликлар томонидан қўллаб-қувватланган. Унинг рақиби Консерваторлар қанотидан номзод Саид Жалилий 13,5 млн овоз олган.