Янги жойга кўчган фуқаролар ўша жойдаги тиббиёт муассасаларига онлайн ҳисобга қўйилади

Фуқароларни давлат тиббиёт муассасаларига ҳисобга қўйиш бўйича давлат хизмати кўрсатишнинг маъмурий регламенти лойиҳаси муҳокамага қўйилди.

Лойиҳада:

• жисмоний шахснинг доимий яшаш ёки вақтинчалик турган манзили ўзгарганда ихтиёрий равишда янги манзилдаги давлат тиббиёт муассасаларига композит шаклда (битта мурожаат асосида) ҳисобга қўйиш;
• давлат тиббиёт муассасаларига ҳисобга қўйилганлиги ҳақида маълумотнома тақдим этиш;
• давлат хизматидан фойдаланиш учун Ягона интерактив давлат хизматлари портали орқали мурожаат қилиш тартиблари белгиланмоқда.

Соғлиқни сақлаш ва Рақамли технологиялар вазирликлари бу давлат хизматини 2025 йил 1 январга қадар йўлга қўйиши керак бўлади.

Аввалроқ, соғлиқни сақлаш вазири Асилбек Худоёров электрон поликлиника ва электрон рецепт тизимлари 2024 йил охиригача тўлиқ йўлга қўйилишини айтганди.