Қулоқни «ялаб ўтган» ўқ, Трампни яширган соқчилар ва саҳнада қолган туфли. Фотосуратлар

АҚШнинг 45-президенти, яна бир марта президентликка сайланиш учун номзодини қўйган Доналд Трамп 13 июл куни Пенсилваниянинг Батлер шаҳридаги митинг нишонига айланди. ФҚБ версиясига кўра, уни 20 ёшли Томас Мэттю Крукс ўққа тутган. Ҳужум вақтида ўқ Трампнинг ўнг қулоғини ялаб ўтган. АҚШ Махфий хизмати ходимлари дарҳол собиқ президентни ўраб олиб, саҳнадан олиб кетишган. Трамп саҳнадан кетаётганида қўлини мушт қилиб юқори кўтарган — бу орқали у ўз тарафдорларига ўзи билан барчаси жойида экани ҳақида сигнал юборган. Суиқасд оқибатида митингга келганлардан бири ҳалок бўлиб, икки киши яраланган. Ўт очган шахс Махфий хизмат ходимлари томонидан ўлдирилган.

The New York Times фотографи Даг Миллс Трампнинг боши ёнидан ўтиб кетган ўқни суратга олган. Кадрда ўқ қолдирган изни кўриш мумкин. ФҚБнинг истеъфодаги агенти Мафкл Ҳарриган ҳам фотодаги чиндан ўқ изи эканини тасдиқлаган.