НАТО Руминияда дрон қулашини Россия ҳужуми сифатида баҳоламайди

Руминия Мудофаа вазирлигининг маълум қилишича, Плауру румин қишлоғи ҳудудида рус дронларининг бошқа парчаларини қидириш давом этмоқда.

Фото: AP

Руминия ҳудудида Россия учувчисиз учоқлари парчалари топилганидан кейин НАТО Россиянинг алянс ҳудудига атайлаб ҳужум қилгани аломатларини кўрмади. Бу ҳақда 26 июл, жума куни Reuters хабар берди. «НАТОда Россиянинг иттифоқдош ҳудудга атайлаб ҳужум қилгани ҳақида ҳеч қандай маълумот йўқ, бу ҳаракатлар масъулиятсизлик ва потенциал хавфлидир», деди алянс вакили.

25 июлга ўтар кечаси Россия йирик ҳужумига учраган Украинанинг Исмоил порти яқинида жойлашган Плауру қишлоғи ҳудудида Россиянинг Shahed учувчисиз учоқлари парчалари топилди. Ҳодиса муносабати билан, Руминия ҳаво ҳудудини ҳимоя қилиш бўйича НАТО миссияларида қатнашаётган Финландиянинг иккита F-18 қирувчиси кузатув учун ҳавога кўтарилди.

Руминия Мудофаа вазирлигидан берилган баёнотга кўра, бошқа учувчисиз учоқлар парчаларини қидириш давом этмоқда. Департаментнинг аниқлик киритишича, дронлар қулаши мумкин бўлган ҳудуд «яшаш жойларидан ташқарида жойлашган ва инфратузилманинг ҳеч қандай элементи зарар кўрмаган».