АҚШ Украинага 1,7 миллиард долларлик иккита қурол пакетини ажратди
Ҳарбий ёрдам доирасида Қўшма Штатлар ҳаво ҳужумидан мудофаа тизимлари учун ўқ-дорилар ва бошқа қуролларни етказади.
АҚШ Мудофаа вазирлиги Украинага 1,5 миллиард доллар ва 200 миллион доллар миқдорида иккита янги ҳарбий ёрдам пакети ажратилишини эълон қилди.
«АҚШ Мудофаа вазирлиги Украина хавфсизлигига кўмаклашиш ташаббуси (USAI) жамғармаларидан 1,5 миллиард долларлик йирик ёрдам пакетини эълон қилади», дейилади Пентагон хабарида.
200 миллион долларлик иккинчи ёрдам пакети Киевга АҚШ президенти фармони билан маблағ ажратиш имконини берувчи Президентлик ваколати механизмидан фойдаланган ҳолда юборилади.
Ҳарбий ёрдам доирасида Қўшма Штатлар ҳаво ҳужумидан мудофаа тизимлари учун ўқ-дорилар, HIMARS учун снарядлар, RIM-7 ракеталари, шунингдек, Javelin учун миномёт ва ўқ-дорилар билан таъминлайди. Бундан ташқари, ёрдам пакетлари хавфсиз алоқа тизимлари ва сунъий йўлдош тасвирлари хизматларини ўз ичига олади.
Мавзуга оид
23:25 / 20.09.2024
АҚШ президентлигига номзодлар хавфсизлиги кучайтирилиши мумкин
22:33 / 20.09.2024
АЭХА Россияни Запорижжя АЭС ҳудудини зудлик билан тарк этишга чақирди
21:46 / 20.09.2024
Иккинчи тинчлик саммити урушга чек қўйиши керак — Зеленский
18:22 / 20.09.2024