Москвада «безорилик» қилган АҚШ фуқароси қўлга олинди

Гумонланувчига нисбатан тергов ҳаракатлари олиб борилмоқда ва унга нисбатан жиноий айблов қўйилади.

Москвада АҚШ фуқароси расмийларга нисбатан зўравонлик қўллаганликда гумонланиб қўлга олинди.

«Россия Федерацияси Тергов қўмитасининг Москва шаҳри бўйича Бош тергов бошқармаси Марказий маъмурий округи бўйича тергов бошқармасининг Мешчанский туманлараро тергов бўлими Жиноят кодексининг 318-моддаси 1-қисмида назарда тутилган жиноят (ҳокимият вакилига нисбатан зўравонлик қўллаш) асосида иш қўзғатди», - дейилади пойтахт тергов қўмитасининг Телеграм-каналидаги нашрида.

Тергов маълумотларига кўра, 2024 йил 12 августга ўтар кечаси АҚШ фуқароси безорилик қилгани учун пойтахт полиция бўлимига олиб кетилган.

Судланувчи шахсини тасдиқловчи ҳужжатларни тақдим этишдан бош тортган, шундан сўнг у ҳуқуқни муҳофаза қилувчи орган ходимига нисбатан зўравонлик қилган.

Айбланувчи билан тергов ҳаракатлари олиб борилмоқда, яқин кунларда унга нисбатан айблов эълон қилинади. «Тергов Мешчанский туман судига қамоққа олиш тарзидаги эҳтиёт чорасини танлаш тўғрисида илтимоснома билан мурожаат қилмоқчи», — дея маълум қилди Тергов қўмитаси матбуот хизмати.