Ҳиндистон бош вазири Нетаняҳуни Ғазо секторида ўт очишни тўхтатишга чақирди

Нарендра Моди Исроил вазирлар маҳкамаси раҳбари билан телефон орқали мулоқот қилди.

Фото: Amir Cohen / Reuters

Ҳиндистон бош вазири Нарендра Моди Исроил бош вазири Бинямин Нетаняҳу билан телефон орқали суҳбатда минтақадаги кескинликни камайтириш ва ўт очишни тўхтатиш бўйича келишувга эришиш муҳимлигини таъкидлади.

Моди Х ижтимоий тармоғида Исроил вазирлар маҳкамаси раҳбари билан суҳбати натижаларини эълон қилди.

Ҳиндистон ҳукумати раҳбарининг сўзларига кўра, Нетаняҳу унга Ҳиндистон мустақиллиги 78 йиллиги муносабати билан қўнғироқ қилган.

Телефон мулоқоти чоғида Яқин Шарқдаги кескинликни камайтириш йўллари муҳокама қилинди, деди Моди.

«Мен яна барча асирларни озод қилиш, ўт очишни тўхтатиш тўғрисида битим тузиш ва узлуксиз инсонпарварлик ёрдамини кўрсатиш бўйича чақириқни такрорладим», — дея қўшимча қилди сиёсатчи.