Германиядаги маҳаллий сайловда урушдан кейинги тарихда биринчи марта ўнглар ғалаба қозонди

Турингия федерал ерида Ландтаг (ер парламенти)га сайловларда «Германия учун муқобил» етакчилик қилмоқда.

Фото: AFP

Германиянинг шарқий қисмидаги Турингия федерал ерида Ландтаг (ер парламенти)га сайловларда ўта ўнг «Германия учун муқобил» (ГуМ) партияси ғалаба қозонди.

Буни Германиянинг ARD жамоат телевидениесининг экзитпол маълумотлари тасдиқлайди.

Сўров натижаларига кўра, «Германия учун муқобил» 30,5 фоиз овоз билан етакчилик қилмоқда.

Шу тариқа, урушдан кейинги тарихда биринчи марта ўта ўнг партия Германияда ер сайловларида биринчи ўринни эгаллади.