Исроил Ғазода эмлаш ишлари учун ўт очиш тўлиқ тўхтатилишини рад этди

Бир неча соат ичида эмлаш учун чекланган зоналар яратиш режалаштирилган.

Фото: Anadolu Agency

Исроил бош вазири Бинямин Нетаняҳу офиси Ғазо секторида полиомионелитдан аҳолини эмлаш учун тўлиқ оташкесим жорий этилиши ҳақидаги хабарларни рад этди.

«Ғазода полиомиелитга қарши эмлаш учун тўлиқ сулҳ ҳақидаги хабарлар ҳақиқат эмас. Исроил эмланадиган гуруҳлар ўтадиган гуманитар коридорни тақдим этади», - деб ёзган бош вазири Бинямин Нетаняҳу офисининг маслаҳатчиси Дмитрий Ганделман Телеграмда.

Эмлаш ишларини ташкил этиш учун бир неча соат давомида хавфсиз бўладиган чекланган зоналар ҳам яратилади, дея таъкидлади у.

Исроил Ғазо секторида полиомиелит авж олиши, шу жумладан бутун минтақада эпидемиялар тарқалиши олдини олишга катта аҳамият бериши қайд этилди.

29 август куни Жаҳон соғлиқни сақлаш ташкилоти хабар беришича, Ғазода эмлаш кампанияси 9 кун - эксклавнинг марказий, шимолий ва жанубий қисмларида уч кундан бўлиб ўтади. Бу кунига соат 06.00 дан соат 15.00 гача давом этадиган «гуманитар сулҳлар» билан бирга кечади, дея таъкидлаб ўтди ташкилот.

#Исроил #Ғазо

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.