Қўшимча функционаллар
-
Тунги кўриниш
“10 кунда 300 минг сўмни 1 млн қилиб қайтарасан” – Андижонда ўқувчи мактабдошини калтаклади
Ҳолат Асака туманидаги 34-ихтисослашган мактабда бўлгани айтилмоқда. Муштумзўр бола мактабдошини ҳақоратлаб, уни мушти билан бир неча маротаба урган. Туман ММТБ вазият ўрганилаётганини маълум қилди.
Андижон вилоятининг Асака туманидаги мактаблардан бирида ўқувчи мактабдошини калтаклаётгани акс этган видео юзасидан туман Мактабгача ва мактаб таълими бошқармаси баёнот берди.
Маълумотларга кўра, зўравонлик ҳолати Асака туманидаги 34-ихтисослашган давлат умумтаълим муассасасида юз берган бўлиши мумкин. Муштумзўр йигит болани ураркан, бир неча маротаба уни қидирганини, нима сабаб жавоб бермаганини сўраган ва ҳақоратлаб дўппослаб кетган. Қолаверса, йигит унга 300 минг сўм пулни 1 млн сўм қилиб қайтариш талабини қўйган ва бунинг учун 10 кун муҳлат берган.
Таъкидланишича, вазият назоратга олинган. Бошқарма ҳолат ўрганилаётганини, ўрганиш якунларига кўра батафсил маълумот берилишини маълум қилган.
Шунингдек, бошқарма ёшлар ўртасида зўравонлик ҳолатларининг ҳар қандай кўринишини қаттиқ қоралашини ҳам билдирган.
Мавзуга оид
22:14 / 27.05.2025
«Насаф» «Андижон»ни мағлуб этиб, Ўзбекистон Суперкубоги эгаси бўлди
23:01 / 26.05.2025
Андижонда дарахт Cobalt устига қулаб тушди
19:26 / 26.05.2025
Андижонда танишлари орқали 100 минг доллар кредит олиб беришни ваъда қилган шахс ушланди
14:01 / 24.05.2025