Британия ИИВ раҳбари мамлакатдаги “ўғрилик эпидемияси” ҳақида нутқ сўзлаётганда унинг ҳамёнини ўғирлаб кетишди
Буюк Британия Ички ишлар вазирлиги раҳбари Диана Жонсон мамлакатдаги “ўғрилик эпидемияси” ҳақида нутқ сўзлаётган вақтда номаълум шахс унинг ҳамёнини ўғирлаб кетди.
The Guardian хабар беришича, ҳодиса вақтида Жонсон Полиция суперинтендантлари ассоциациясининг анжуманида сўзга чиққанди. У ўз нутқида ғайриижтимоий хулқ-атвор, ўғрилик ва дўконлардан мол ўғирлаш эпидемияси тарқалгани ҳақида огоҳлантирган. Вазирнинг таъкидлашича, “лейбористлар ҳукумати бу муаммони консерваторлардан мерос қилиб олган”.
Конференция якунланганидан сўнг, ИИВ раҳбари шахсий буюмлари, шу жумладан, ҳамёни ўғирлангани тўғрисида полицияга ариза билан мурожаат қилди. Ҳозирча жиноятчи аниқланмаган.
ИИВдаги манба Жонсондан ҳамён ўғирланганини тасдиқлади.
BBC Буюк Британия Миллий статистика хизмати маълумотларига таяниб, хабар беришича, Англия ва Уэлсдаги дўконларда ўғриликлар сўнгги 20 йил ичида энг юқори даражага етган.
Мавзуга оид
21:52 / 17.09.2024
Буюк Британия ноқонуний миграцияга қарши курашга 75 млн фунт ажратади
20:09 / 14.09.2024
Британияда аёл фарзандини «икки марта туғди»
22:17 / 10.09.2024
Буюк Британия ядровий ҳалокат юз берган Фукусимада етиштирилган шафтолилар савдосини бошлади
20:48 / 09.09.2024