«Бу иш бермайди» — Олаф Шолц Украинада тинчликка эришиш йўллари ҳақида баёнот берди

Германия Украинага ўз ҳудудий яхлитлиги ва суверенитетини ҳимоя қилиш учун ёрдам бермоқда. Бир вақтнинг ўзида можарони тинч йўл билан ҳал қилиш йўлларини ўрганиш керак, деган Германия канцлери Олаф Шолц.

Фото: CNN

Украинада тинчликка эришиш учун барча йўлларни қараб чиқиш керак. Айни пайтда Россия агрессия даражасини пасайтиришга хоҳиш ёки бу ишга тайёрлигини намойиш этмаяпти, дея Шолцнинг сўзларидан иқтибос келтирмоқда n-tv.

Сиёсатчининг қайд этишича, Германия ҳуқуқларга зид агрессив ҳужумга дучор бўлган Украинани қўллаб-қувватламоқда. Айнан шунинг учун ўз ҳудудий яхлитлиги ва суверенитетини ҳимоя қила олиши сабабли Украинага ёрдам кўрсатилиши керак.

«Бир вақтнинг ўзида тинч ривожланишни очиш имкониятларини ўрганиш ҳам муҳим бўлиб қолаверади», — деган сиёсатчи.

Олаф Шолц Швейцарияда ўтган Украинада тинчлик ўрнатиш бўйича биринчи саммитни ҳам эсга олган. Саммит Россия иштирокидаги янги учрашув ўтказиш бўйича умумий тўхтам билан якун топган эди.

«Ҳозир нималар бўлаётганига қараб кўриш учун фурсат етди. Мен учун шуниси тушунарлики, бу иш бермаяпти: Россия, аксинча, ҳамон урушни давом эттирмоқда, Украинага улкан агрессия билан ҳужум қилишда бардавом. Ҳеч қачон унутмаслик керакки, айнан Россия нафақат урушни бошлаган, уни давом эттирмоқда ва исталган вақтда тажовузкорликни йиғиштириб, урушга якун ясаши ҳам мумкин», — дея ўз фикрларини мухтасар қилган Германия канцлери.

Эслатиб ўтамиз, Олаф Шолц Россия Федерациясини иккинчи тинчлик саммитига чақиришни таклиф қилиб келмоқда. Немис сиёсатчиси имкон қадар тезроқ кенг кўламли урушга якун ясашга интилмоқда.

Кейинроқ маълум бўлишича, урушни тинч йўл билан ҳал қилиш бўйича оптимизмни Бундестагдагиларнинг ҳаммаси ҳам қўллаб-қувватламаяпти. Немис ҳукумати матбуот котиби Штеффен Гебештрайтнинг сўзларига кўра, канцлер Олаф Шолцнинг Москва ва Киев ўртасида музокаралар ўтказиш зарурияти тўғрисидаги баёнотларига қарамасдан, хурсанд бўлиш учун сабаблар жуда кам.