Қўшимча функционаллар
-
Тунги кўриниш
Россия асал нархини пасайтириш учун Ўзбекистондан асалари олмоқда
Мамлакатда асалариларнинг оммавий нобуд бўлиши оқибатида асал нархи кўтарилиб кетган.
Фото: Pixabay
Россияда асалариларнинг оммавий нобуд бўлиши оқибатида асал нархи қимматлашмоқда. Бу фермерлар томонидан ишлатиладиган пестицидлар билан боғлиқ, деди Россия асаларичилар уюшмаси раиси Валерий Капунин.
«Ўлимнинг биринчи сабаби, албатта, асаларилар ва бутун атроф-муҳитга зарарли таъсир кўрсатадиган пестицидлардир. Фермерлар бугунги кунда пестицидлардан назоратсиз фойдаланмоқда», деди мутахассис.
Унинг сўзларига кўра, муаммони ҳал қилиш учун Ўзбекистондан асалари келтириляпти. Аммо жанублик ҳашаротлар Россия шароитига мослашишда қийналмоқда ва кўпинча қишки совуқда нобуд бўлмоқда.
Асалариларнинг йўқолиб кетиши сабабларидан яна бири - асаларичиларнинг хатолари, улардан камчилиги махсус курсларда ўқиб, ўз ҳунарини ўрганган, деди Капунин.
Қайд қилинишича, Россиянинг асосий асал ишлаб чиқарувчи ҳудудларида асалариларнинг оммавий нобуд бўлиши фонида асал нархи 30-50 фоизга ошиб кетган.
Мавзуга оид
23:28 / 10.03.2025
Россиядан кўчмас мулк харид қилаётган ўзбекистонликлар сони ошгани маълум бўлди
23:00 / 10.03.2025
ФХХ украиналикларнинг Россия киришини 50 йилгача тақиқлашни бошлади
17:32 / 10.03.2025
Россияда 685 минг хорижлик назорат остидаги шахслар реестрига киритилди
21:19 / 08.03.2025