Тошкентда Ўзбекистон-Озарбойжон маслаҳатлашувлари бўлиб ўтди

ТИВ маълумотига кўра, томонлар икки мамлакат консуллик хизматлари ўртасидаги ҳамкорликни мустаҳкамлаш ва ривожлантиришнинг бугунги ҳолати ва истиқболларини муҳокама қилдилар. Томонлар фуқароларнинг ҳуқуқ ва манфаатларини ҳимоя қилиш масалаларини кўриб чиқдилар.

Шунингдек, кун тартиби доирасида миграция, адлия, статистик ахборотлар ва фуқаролик ҳолати далолатномалари тўғрисидаги маълумотларни ўзаро ўтказиш, қонунчилик базасини янада кенгайтириш бўйича ҳамкорлик қилиш юзасидан фикр алмашилди. 

Томонлар ваколатли органлари ўртасида томонларни қизиқтирган турли масалалар бўйича ҳамкорлик доирасида бевосита ўзаро ҳамкорликни йўлга қўйишга алоҳида эътибор қаратилди.