Ўзбекистон ташқи ишлар вазири Эрон ташқи сиёсат идораси янги раҳбари билан учрашди

Ўзбекистон ташқи ишлар вазири Бахтиёр Саидов Ню-Йорк шаҳрида жорий йил август ойида Эрон ташқи ишлар вазири этиб тайинланган Саййид Аббос Аракчи билан учрашди.

"Саййид Аббос Аракчи жанобларини яқинда Эрон ташқи ишлар вазири этиб тайинлангани билан табрикладик", – деб ёзди Ўзбекистон ТИВ раҳбари. 

Ўзбекистон ва Эрон ўзаро ҳамкорлигини ривожлантиришда, айниқса, транспорт боғлиқлигини яхшилаш, товар айирбошлаш ҳажмини ошириш, минтақавий ҳамда халқаро мавзуларда катта имкониятларга эга. 

Кун тартибидан икки ва кўп томонлама алоқаларнинг устувор йўналишлари, шунингдек, минтақавий хавфсизлик, барқарорлик ва тараққиёт масалалари ўрин олди.