Қўшимча функционаллар
-
Тунги кўриниш
Қозоғистонда Ўзбекистондан келтирилган 2,5 тонна шафтолида зараркунанда аниқланди
Зарарланган маҳсулотлар изоляциялангани ва йўқ қилингани таъкидланмоқда.
Фото: gov.kz
Қозоғистон Қишлоқ хўжалиги вазирлигининг Агросаноат комплекси Оқтўбе вилояти ҳудудий инспекцияси томонидан Ўзбекистондан келтирилган шафтоли партиясида карантин зараркунандаси – шарқ мевахўри (Grapholita molesta Busck) борлиги аниқланди.
Қайд қилинишича, Марказий божхона расмийлаштируви пунктидаги карантин фитосанитар назорати чоғида 2,58 тонна шафтолининг янги партияси текширилган. Партия Тошкент вилояти, Янгийўл туманидан автомашинада келтирилган. Мева намуналари танлаб олиниб, Оқтўбе вилоят карантин лабораториясига юборилган. Таҳлил шарқ мевахўри мавжудлигини тасдиқлаган.
Карантин объекти тарқалишининг олдини олиш мақсадида зарарланган маҳсулотларни изоляциялаш ва йўқ қилиш ишлари ўз вақтида амалга оширилгани таъкидланмоқда.
Мавзуга оид
09:40
«Фориш» полигонида Ўзбекистон ва Қозоғистон ҳарбий машғулотлари бошланди
20:54 / 11.11.2024
Қозоғистон баҳорда Марказий Осиё давлатларидан 11 миллиард куб метр сув олади
20:06 / 11.11.2024
Қозоғистонда яна 1 млрд доллар ноқонуний активлар давлатга қайтарилди
17:25 / 11.11.2024