Ўтган 8 ойда Ўзбекистонга кунига 10 минг донадан ошиқ телефон олиб кирилгани маълум қилинди

Энг кўп телефон Хитойдан, энг кам Бирлашган Араб Амирликларидан олиб келинган.

Фото: Depositphotos

Статистика агентлиги жорий йил январ-август ойларида Ўзбекистонга импорт қилинган телефонлар сонини маълум қилди.

Унга кўра январ-август ойларида хориждан қиймати 236,2 млн долларга тенг бўлган қарийб 2,6 млн дона мобил телефон импорт қилинган. Бу кунига 10 минг донадан ошиқроққа тўғри келади.

Мобил телефонлар импорти ҳажми ўтган йилнинг мос даври билан солиштирилганда 318 579 донага ошган.

Ўзбекистон 2024 йилнинг 8 ойида мобил телефонларни энг кўп қуйидаги давлатлардан импорт қилган:

— Хитой – 2,1 млн дона

— Вьетнам – 405,5 минг дона

— Ҳиндистон – 70,3 минг дона

— Ҳонгконг – 27,1 минг дона

— БАА – 3,4 минг дона.