Нетаняҳу БМТда Эронга Исроилнинг «қўли узунлиги» билан таҳдид қилди

Исроил бош вазири Бинямин Нетаняҳу Эрон ҳужум қилса, қаттиқ жавоб қайтарилиши билан таҳдид қилди. Исроил ҳукумати раҳбари 27 сентябр, жума куни Нью-Йоркда БМТ Бош ассамблеясидаги чиқиши чоғида «Теҳрондаги золимларга бир хабарим бор: агар сиз бизга ҳужум қилсангиз, биз ҳам сизга ҳужум қиламиз. Эронда Исроилнинг узоқ қўли етиб бора олмайдиган жой йўқ ва бу бутун Яқин Шарққа тегишли», деди.

Нетаняҳу, шунингдек, халқаро ҳамжамият ҳам мамлакат ичида фуқароларга зулмга, ҳам Теҳроннинг ташқи тажовузига эътибор бермай, уни тинчлантиришга уринаётганини танқид қилди. Исроил бош вазири, шунингдек, Халқаро жиноий суд бош прокурори Карим Хонни «соф антисемитизм»да айблаб, Нетаняҳуни ҳибсга олиш учун ордер беришни сўраганини таъкидлади.

Нетаняҳу: БМТ «такаббур фарс»га айланди

Нетаняҳу ўз нутқи давомида жаҳон ташкилотининг Исроилга нисбатан адолатсиз, ўз фикрича, муносабатини қоралаб, БМТ «такаббур фарс»га айланганини қўшимча қилди. «Исроил яҳудий давлатига бошқа давлатлар каби муносабатда бўлмагунча, бу антисемитизм ботқоғи қуримагунча, БМТни такаббур фарсдан бошқа нарса эмас, деб ҳисоблайди», деди Исроил бош вазири.