Самарқандда содир бўлган ЙТҲда ҳайдовчи ҳалок бўлди
ЗИЛ юк машинаси қайрилиб олиш мумкин бўлмаган жойдан бурилиб олаётганда Жигули машинаси келиб унинг остига кириб кетган.
Самарқанд вилоятида ЗИЛ ва Жигули машинаси иштирокида содир бўлган ЙТҲда ҳайдовчи ҳалок бўлди. Вилоят ИИБ ЙҲХБ ахборот хизматининг хабар беришича, ҳодиса 2024 йил 4 октябр куни содир бўлган.
Паст Дарғом тумани Искандари маҳалласидан ўтувчи 4Р-46 автомобил йўлида ҳаракатланиб кетаётган ЗИЛ юк машинаси қайрилиб олиш мумкин бўлмаган жойдан бурилиб олмоқчи бўлган.
Шу пайтда ўз йўлидан келаётган Жигули машинаси келиб унга урилган ва пачақланиб юк машинаси остига кириб кетган.
Оқибатда, оғир тан жароҳатлари олган Жигули ҳайдовчиси воқеа жойида ҳалок бўлган.
Қайд этилишича, ҳодиса юзасидан Жиноят кодексининг 266-моддаси 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Мавзуга оид
14:09
Наманганда ўқувчилар ижарага олинган Centraʼда ЙТҲга учради. Машинани бошқарган ўсмир вафот этган
12:23
Фарғонада Lacetti уриб юборган шахс ҳалок бўлди
17:51 / 06.10.2024
Йўлларда авариялар кўпайди, тезлик ҳайдовчиларни қотилга айлантирмоқда
14:57 / 06.10.2024