АҚШ Давлат департаменти Данияга "ҳаво-ҳаво" ракеталарини сотишни маъқуллади

АҚШ Давлат департаменти Дания ҳукуматига 744 миллион доллар (688 миллион евро) эвазига илғор AIM-120D-3 ўрта масофага мўлжалланган "ҳаво-ҳаво" ракеталари ва тегишли логистикани сотишни маъқуллашга қарор қилди. Reuters агентлигининг 29 октябр, сешанба куни Пентагон баёнотига таяниб хабар беришича, асосий пудратчи RTX Corpоration (собиқ Raytheon Technologies Corporation) бўлади.

АҚШ Конгресси эҳтимолий сотув ҳақида хабардор этилди

АҚШ Мудофаа вазирлиги хавфсизлик бўйича ҳамкорлик агентлиги АҚШ Конгрессини эҳтимолий сотув ҳақида хабардор қилувчи зарур сертификатларни тақдим этди.

АҚШ ва Европа бозорларини таҳлил қилувчи TipRanks маълумотларига кўра, Копенҳаген 203 тагача AIM-120D-3 ракеталарини ва тўққизтагача AIM-120D-3 AMRAAM йўналтириш секцияларини харид қилишдан манфаатдор. Эҳтиёт қисмлар, сарф материаллари, дастурий таъминот ва техник ҳужжатларни топшириш ҳам таъминланади.

RTX Аризона штатининг Тусон шаҳрида жойлашган.