Қўшимча функционаллар
-
Тунги кўриниш
Президент бозорларда нархларни барқарорлаштириш бўйича тезкор чоралар кўришни буюрди
Озиқ-овқат захира қилиш ишларидаги камчиликлар туфайли айрим ҳудудларда картошка ва гўшт нархи ўсгани қайд этилди.
Президент Шавкат Мирзиёев раислигида Навоий вилоятини ижтимоий-иқтисодий ривожлантириш вазифалари юзасидан йиғилиш бўлиб ўтди. Унда давлат раҳбари мамлакатимизда озиқ-овқат хавфсизлиги масалаларига ҳам эътибор қаратди.
Қайд қилинишича, озиқ-овқат захира қилиш ишларидаги камчиликлар туфайли айрим ҳудудларда картошка ва гўшт нархи ўсган. Республика бўйича 18 та туман ва шаҳарда бозорларни гўшт, картошка, сабзи, пиёз ва гуруч билан узлуксиз таъминлашда сусткашликка йўл қўйилаётгани, озиқ-овқат жамғармалари учун Сирдарё, Хоразм ва Тошкент шаҳрида маҳаллий бюджетдан маблағ ажратилмагани танқид қилинди.
Бош прокуратура, Рақобат қўмитаси ва бошқа масъул идораларга захира яратиш ва нарх устидан мониторинг қилиш бўйича ҳудудий ишчи гуруҳлар тузиш, нарх энг юқори ўсган туман ва шаҳарларда бозорларни барқарорлаштириш бўйича тезкор чоралар кўриш топширилди.
Вилоят, туман ва шаҳар ҳокимлари олдига 620 минг тонна маҳсулот захирасини яратиш вазифаси қўйилди.
Мавзуга оид
21:06 / 04.11.2024
2025 йил энергетика корхоналари учун тежамкорлик ва самарадорлик йили бўлиши қатъий белгиланди
18:32 / 04.11.2024
Тадбиркорлик фаолиятини рўйхатдан ўтмасдан амалга оширганлик учун молиявий жарима бекор қилинади
13:41 / 02.11.2024
Тошкент вилоятида болалар учун берилган озиқ-овқатни боғчадан олиб кетаётган мудира ушланди
07:35 / 02.11.2024