Лукашенко: РФ Беларус орқали Полша, Литва, Латвия ва Украинага ҳужум қилмоқчи эмас

Беларус президенти Александр Лукашенко Полша, Литва ва Латвияни қўшни сифатида муносабатларни ўрнатишга чақирди. Бу ҳақда Беларус раҳбари Мости шаҳрида бўлиб ўтган «Дажинки-2024» фестивал-ярмаркаси чоғида фермерларни тақдирлаш маросимида айтиб ўтди.

«Биз қўшнимиз. Қўшнилар танламайди. Ўзаро муносабатларимизни қўшнилардек қурайлик. Агар хоҳламасангиз, қилманг. Биз ҳамкорлик қиладиган бошқа давлатларни топамиз. Аммо агар биз сизни тарк этсак ва бизга қизиқ бўлиш тўхтаса, кейин бизникига кира олмайсиз, — дея Лукашенконинг сўзларини келтирган БEЛТА.

Беларус президенти, шунингдек, Россия Беларус орқали Полша, Литва, Латвия ёки Украинага ҳужум қилиш ниятида эмаслигини таъкидлади.

«Россия Беларус орқали Полша, Литва ёки Латвия ёки Украинага ҳужум қилмоқчи эмас. Бемаънилик! Беларусда ҳеч ким ўз қўшнилари ёки НАТО билан бизни хабардор этмасдан жанг қилмоқчи эмас. Айнан улар бизни ва Россияни бўғиб қўйишни ўз олдиларига мақсад қилиб қўйган ва бугун шу мақсад сари интилиб, сабаб изламоқда. Ҳаммаси оддий: улар бизни бирор нарса учун қоралаш учун сабаб қидирмоқда», — деди Лукашенко.

Беларус раҳбари, шунингдек, Беларуснинг «кўприклар қуриш» қобилиятига эътибор қаратди.

«Ғарб расмийларидан фарқли ўлароқ, биз тушунамизки, барча қарама-қаршиликларга қарамай, ҳатто турли қирғоқларда бўлсак ҳам, энг муҳими кўприк қура олишдир. Биз ҳар доим шундай қилганмиз ва бундан кейин ҳам қиламиз», — дея хулоса қилди у.