Жаҳон | 14:47 / 07.11.2024
1631
1 дақиқада ўқилади

Фаластин президенти ва АДЛ бош котиби Фаластин ва Ғазодаги вазиятни муҳокама қилди

Учрашув Қоҳирада бўлиб ўтди, у ерда Фаластин президенти мисрлик ҳамкасбининг таклифига биноан 12-Бутунжаҳон шаҳарлар форумида иштирок этиш учун келди.

Фото: Sean Gallup / Getty Images

Фаластин президенти Маҳмуд Аббос Араб давлатлари лигаси Бош котиби Аҳмад Абу Ғайт билан учрашув ўтказди, унда Фаластин масаласидаги долзарб ўзгаришлар ҳамда Ғазода ўт очишни тўхтатишга эришиш ҳаракатлари муҳокама қилинди.

Фаластиннинг WAFA ахборот агентлиги хабарига кўра, учрашув Қоҳирада бўлиб ўтган, Аббос Миср президенти Абдулфаттоҳ ас-Сисининг таклифига биноан 12-Бутунжаҳон шаҳарлар форумида иштирок этиш учун келган.

Аббос Абу Ғайтга Фаластин масаласи билан боғлиқ сўнгги ўзгаришлар, Фаластин халқи ҳолати ва Ғазодаги можарога барҳам бериш учун давом этаётган саъй-ҳаракатлар ҳақида маълумот берди.

Бундан ташқари, Аббос АДЛ бош котиби билан Саудия Арабистони пойтахти Ар-Риёдда 11 ноябр куни ўтказилиши режалаштирилган фавқулодда араб-ислом саммитидан кутаётган умидлари билан ўртоқлашди.

Отабек Матназаров
Тайёрлаган Отабек Матназаров
Kun.uz янгиликларини Google News'да кузатинг
+ Обуна бўлиш

Мавзуга оид