Қўшимча функционаллар
-
Тунги кўриниш
Хитой коронавирус Уҳан лабораториясида яратилганини рад этди
Яқинда АҚШ конгрессменлари вирус Уҳан лабораториясидан сизиб чиққанини даъво қилувчи ҳисобот эълон қилганди. Лаборатория раҳбари бу даъволарни рад этиб чиқди.
Фото: Johannes Eisele/AFP via Getty
Уҳан вирусология институти олимлари COVID-19 пандемиясига сабаб бўлган микроорганизмларни илгари ҳеч қачон ўрганмаган. Институтнинг коронавирус тадқиқотлари раҳбари Ши Женгли бу ҳақда Японияда ўтказилган конференцияда маълум қилди, деб ёзмоқда Nature.
Декабр ойи бошида АҚШ ҳукумати коронавирус тарқалишининг сабаблари бўйича икки йиллик текширувларга бағишланган ҳисобот эълон қилганди. Унда COVID-19 катта эҳтимол билан Уҳан лабораториясида пайдо бўлгани айтилган. Ҳужжат муаллифларининг таъкидлашича, вирусда табиатда учрамайдиган хусусиятлар аниқланган.
Бунга жавобан Женгли Уҳан лабораторияси пандемияга олиб келган SARS-CоV-2 ни ўрганиш билан шуғулланмаганини айтди. Уҳан вирусология институти вакили Хитой жанубидаги кўршапалаклардан олинган ўнлаб янги коронавирус турлари ҳақидаги маълумотларни тақдим этди. Институт музлаткичларида сақланаётган вирусларнинг ҳеч бири COVID-19 нинг сўнгги аждодлари қаторига кирмайди. Женгли таъкидлашича, олимлар SARS-CоV-1 ва SARS-CоV-2 га чамбарчас боғлиқ вируслар ҳақида илмий адабиётларда тасвирланган маълумотлардан ортиқ нарса топмаган.
Хитойлик мутахассисларнинг баёнотига Эдинбург университети муносабат билдирди. Эволюцион биолог Жонатан Пекарнинг айтишича, янги маълумотлар Уҳандаги олимлар COVID-19 устида ишламаганини кўрсатмоқда. Тадқиқотчилар хавфли вирус қаердан келиб чиққанини синчковлик билан ўрганишда давом этиши керак.
SARS-CоV-2 га чалиниш бўйича биринчи ҳолат бундан беш йил олдин, 2019 йил декабр ойида Уҳан шаҳрида тасдиқланган. Коронавирус бутун дунё бўйлаб тез суръатда тарқала бошлади, натижада 2020 йил 11 мартда пандемия эълон қилинди. Расмий маълумотларга кўра, 770 миллиондан ортиқ одам COVID-19 га чалинди, тахминан 7 миллион киши касалликдан вафот этди. Экспертларнинг таъкидлашича, ҳақиқий кўрсаткичлар бундан анча юқори бўлиши керак. Энг кенг тарқалган тахминлардан бирига кўра, касалликни биринчи бўлиб юқтирган одам Уҳандаги ҳайвонлар бозори сотувчиси бўлган. Бироқ коронавируснинг келиб чиқиш манбаси ҳалигача аниқлангани йўқ.
Тавсия этамиз
Божларни музлатган Трамп, урушдан силласи қуриган Судан – ҳафта дайжести
Жаҳон | 12:50 / 13.04.2025
Сирли эшиклар ва яширин йўлаклар: Тошкент метроси хавфсиз бошпана бўла оладими?
Ўзбекистон | 10:00 / 12.04.2025
Leapmotor автомобилларининг Ўзбекистонга импорти чеклангани юзасидан изоҳ берди
Ўзбекистон | 15:52 / 11.04.2025
“Яқин кунларда рекорд иссиқлик тўлқини кутилмоқда” – иқлимшунос Эркин Абдулаҳатов
Ўзбекистон | 13:00 / 10.04.2025
Мавзуга оид
20:51 / 13.04.2025
АҚШ савдо борасида Хитой билан «юмшоқ мулоқот» бошланганини маълум қилди
20:00 / 13.04.2025
Хитой узлуксиз 30 соатгача парвоз қилишга қодир дронни тақдим этди
17:24 / 13.04.2025
Америкада яккаҳукмронлик: демократлар шунчалик заифми?
17:17 / 13.04.2025
Трамп йил давомида 1 млн мигрантни АҚШдан депортация қилишни режалаштирмоқда — WP
