Асадлар оиласининг Дамашқдаги асосий қароргоҳи талон-торож қилинди — фотосуратлар

Энди Суриянинг собиқ президенти мухолифлари саройда журналистлар учун экскурсия уюштирмоқда.

8 декабр куни Сурияда мамлакатни 50 йилдан ортиқ вақт мобайнида бошқариб келган Асадлар режими тугатилди. Мухолифлари Дамашқни эгаллаганида ағдарилган президент Башар Асад Россияга қочди. Ўша куниёқ Асадлар оиласининг асосий қароргоҳи — Мезз тоғидаги Халқ саройи — талон-торож қилинди. Бу ерга кирган одамлар сарой интерьерини видеоларга олишди, давлат рамзлари ва собиқ президент портретларини бузиб ташлашди, шунингдек, саройдаги мебел, техника ва бошқа қимматбаҳо буюмларни ташиб кетишди. Ҳозирда Асадларнинг собиқ қароргоҳини исёнчилар гуруҳи ўз назоратига олган. Улар бинони талончилардан қўриқлашмоқда ва саройни шафқатсиз, аммо мағлуб бўлган Асадлар режими ёдгорлиги деб атаган ғарблик журналистлар учун экскурсия уюштирмоқда.

Асадларнинг асосий қароргоҳидаги заллардан бирида кетаётган қуролланган жангчи
Ali Haj Suleiman / Getty Images

Асадлар режими қулаганидан кейин Халқ саройи залларида сайр қилаётган одамлар — 2024 йил 8 декабр
Hussein Malla / AP / Scanpix / LETA

Mohammed Al Rifai / EPA / Scanpix / LETA

Дамашқ ҳукмрон режим мухолифлари томонидан эгаллангач, маҳаллий аҳоли вакиллари томонидан талаб кетилган президент қароргоҳи интерьери
Ali Haj Suleiman / Getty Images

Hussein Malla / AP Photo / Scanpix / LETA

Суриянинг собиқ президенти Башар Асаднинг парчаланган портрети
Ali Haj Suleiman / Getty Images

Сурия Араб Республикасининг юқоридан ташлаб юборилган ва синган герби
Ali Haj Suleiman / Getty Images

Ҳукуматга қарши гуруҳ жангчиларидан бири қабуллар зали деразаси олдида
Amr Abdallah Dalsh / Reuters / Scanpix / LETA

Сурия президентининг талаб кетилган кабинетидаги ойнада шундай ёзув қолдирилган: «Сенга лаънат бўлсин, Ҳафиз». Ҳафиз Асад мамлакатни 1971-2000 йилларда бошқарган. Унинг бошқаруви шафқатсиз қатағонлар билан биргаликда кечган.
Ali Haj Suleiman / Getty Images

Асад режими мухолифларидан бири Дамашқ эгалланган 8 декабрда Халқ саройида унинг иш столида. Бир неча кун ўтиб Асаднинг кабинетига кирган The Wall Street Journal мухбири айтишича, хонада сочилиб ётган қоғозлар ва китоблар орасида собиқ президентнинг биографияси, Россия қуролли кучлари тарихи ҳақидаги китоб ҳамда тинчлантирувчи препаратларни учратган.
Omar Sanadiki / AP / Scanpix / LETA

Халқ саройидаги ётоқхоналардан бири. Бу хонада ким яшагани маълум эмас
Ali Haj Suleiman / Getty Images

Сурия собиқ президентининг бош қароргоҳидаги хоналардан бирида Башар Асад портрети акс этган гилам
Amr Abdallah Dalsh / Reuters / Scanpix / LETA

Ҳукуматга қарши гуруҳ жангчиси Башар Асад ўз бошқаруви даврида хорижлик меҳмонлардан қабул қилган сувенирларни кўздан кечирмоқда
Amr Abdallah Dalsh / Reuters / Scanpix / LETA

Талон-торож қилинган президент қароргоҳи
Mohammed Al Rifai / EPA / Scanpix / LETA

Мезз тоғидаги Халқ саройининг қуш парвози баландлигидан кўриниши. 1990 йилда Ҳафиз Асад буюртмасига кўра қурилган сарой деразаларидан Сурия пойтахти кафтдек кўриниб турган
Haffar / Deja Vu Photogra / SIPA / Scanpix / LETA

Муаллиф Азиз Қаршиев

#Сурия #Башар Асад

Сурияда қуролли мухолифатнинг 2024 йил 27 ноябридан бошланган кенг кўламли ҳарбий ҳаракатлари орадан 12 кун ўтиб, 8 декабрда Дамашқнинг қулашига олиб келди. Мамлакатда Асадлар сулоласининг 53 йиллик ҳукмронлиги якун топди.