Google Maps фотосурати Испаниядаги қотилликни очишга ёрдам бериши мумкин

Терговчилар Google Maps автомобили ёрдамида олинган фотосуратдан жиноятни очувчи далил сифатида фойдаланган.

Фото: AFP

Испания полицияси Сориа провинциясида келиб чиқиши кубалик бўлган эркакнинг ғойиб бўлишига алоқадорликда гумон қилиб, икки кишини ҳибсга олди. Тергов ходимлари Google Maps фотосуратидан далил сифатида фойдаланган: унда бир киши ўз машинасига ўралган жасадга ўхшаш юкни жойлаштираётгани кўринади.

Сурат фақат бир неча ўнлаб одамлар яшайдиган Сориа шаҳридаги Тахуэко муниципалитетида Google Maps автомобили томонидан олинган. 12 ноябр куни қўлга олинганлар қурбоннинг шериги ва унинг собиқ севгилиси бўлган аёл экани таъкидланмоқда.

Эркак ўтган йилнинг 23 ноябр куни бедарак йўқолган эди. Расмийлар Сориа провинциясида жойлашган Сентенера де Андалус муниципалитетидаги қабристонда кўмилган жасад қолдиқларининг бир қисмини топди. Сўнгра замонавий техник воситалар ёрдамида қолдиқлар йўқолган эркакка тегишли экани аниқланди.