Тошкентнинг айрим кўчаларида транспорт воситалари ҳаракати вақтинча чекланади

Тошкент кўчаларида 5 январ куни ҳарбий-ватанпарварлик паради ўтказилади. Бу ҳақда пойтахт ИИББ ЙҲХБ ахборот хизмати хабар берди.

Шу муносабат билан қуйида келтирилган кўчаларда соат 11:00 дан соат 13:00 гача бўлган вақт оралиғида автотранспорт воситалари ҳаракати вақтинчалик чекланади:

• Қорақамиш — Сағбон кўчалари чорраҳасидан Сағбон кўчаси бўйлаб КҲАЙ — Сағбон кўчалари кесишган чорраҳасигача;
• КҲАЙ — Сағбон кўчалари чорраҳасидан Сағбон кўчаси бўйлаб Нурафшон — Сағбон кўчалари кесишган чорраҳасигача;
• Нурафшон — Сағбон кўчалари чорраҳасидан Сағбон кўчаси бўйлаб Фаробий — Сағбон кўчалари кесишган чорраҳасигача;
• Зарқайнар — Сағбон кўчалари айланма ҳаракатидан Зарқайнар кўчаси бўйлаб Зарқайнар — Алишер Навоий кўчалари кесишган чорраҳасигача;
• Зарқайнар — Алишер Навоий кўчалари кесишган чорраҳасидан Фурқат кўчаси бўйлаб Фурқат — Ислом Каримов кўчалари кесишган чорраҳасигача;
• Фурқат — Ислом Каримов кўчалари кесишган чорраҳасидан Фурқат кўчаси бўйлаб Фурқат — Бешёғоч кўчалари кесишган чорраҳасигача.

«Юзага келаётган ноқулайликлар учун узр сўраймиз ва айланма йўллардан фойдаланишни тавсия қиламиз», — дейилади хабарда.